tg-me.com/HKNFChannel/3134
Last Update:
面對怪物要比怪物更強
若只懂濫賣悲情，只會陷入永續抗爭輪迴
上星期日，香港人喺英國曼城中國領事館外示威，遭中國領事館官員捉入領事館內圍毆。今週日(23日)，英國多個城市有港人組織發起示威，抗議此事。
本組織見到網媒浪潮 @long6ciu4 上，一篇署名灶君點評嘅投稿文章，以「23日示威要和理非」為題，話「收到可靠消息指，中國將會派臥底進入示威人士當中進行擾亂，假扮民眾作出騷亂，以企圖破壞10月16日和平示威的理據，和當日示威的合理性。」更稱要「小心觀察異常分子」，「評估風險是否參加高危行動」。
文章又重彈捉鬼左膠論調。雖無明言反對激進、勇武行動，卻每每散播中共派人嚟假扮抗爭者騷亂，要人小心觀察「異常分子」，暗示做出激進行為嘅人就係「異常分子」，一定係對家派嚟嘅鬼，破壞香港人和平、理性、非暴力形象。此等言論，背後邏輯就係否定激進、勇武行動，排擠光譜同自己不同嘅人，將一切偏離「和理非」嘅抗爭者打成「鬼」。
捉鬼行為過往已經引起和理非同勇武派之間互相猜忌，敵視。甚至害手足被捕，流亡。過往多單曾經被人話係鬼做嘅，政府自編自導自演嘅案件，亦證實確係手足所為。今日已經2022年，依然有人面不紅耳不赤地講捉鬼言論。香港人呢三年來，有冇睜開眼了解下各個光譜嘅抗爭者呢？
回應完捉鬼，順便回應下香港人被中國領事襲擊一事。
上星期日（10月16日），英國港人組織趁著中共二十大，於曼徹斯特嘅中國總領事館外示威，不料領事館官員卻大動作破壞示威標語，中國總領事鄭曦原親手襲擊示威者。 由網上片段可見幾件事：（一）中共官員捉香港人入中國領事館內毆打， （二）在場香港人與中方人士拉扯，嘗試阻止中方捉人打人，但最終仍無力阻止事件發生。 （三）英國警方目睹領事館內毆打事件，起初只係企喺館外，大概相隔20秒先至走入館內拉返受襲者出嚟。
中共駐外領事恃住外交豁免權，於講求法治、人權嘅國家仍有恃無恐公然毆打示威者，事後外交部歪曲事實，誣蔑示威者攻擊在先，仲要求英國向中方領事「提供便利」。整件事中，中共必然係最需要譴責嘅一方。但本文更想帶出嘅係，接二連三喺海外示威受襲之後，香港人有無反思應該如何應對呢？自2020年起，海外港人示威不斷面對小粉紅襲擊、騷擾，尤其是喺英國。因此香港人每次出嚟示威之前，都應該萬全準備，隨時預備自衛甚至還擊。除非香港人想每次都本住被人打，賣慘嘅心態出去示威。若永遠抱住受害者心態，究竟係示威定示弱？
今次事件中，英國警方相隔20秒先至入館救人，事後只係稱會調查。中共施襲者仍然大搖大擺。從今次事件可見，縱使喺民主國家，只要一涉及外交問題，就算被中共人士襲擊、騷擾，當地政府都係愛莫能助。追溯到問題嘅最根本，香港人冇代表自己嘅國家，去到邊度都只能係異鄉異客。
今日香港本土已經不能再發出任何反對聲音，不少尚在本土嘅手足都寄望海外港人代為發聲，豈料海外卻再度陷入形式化抗爭，除左賣慘了無方向，一有人號召勇武行動，捉鬼大師立即現身。
面對怪物，要比怪物更強。香港人仍無力抵擋中共怪物，因為我地仍未夠強。而重蹈舊有抗爭模式，只會使我地無法突破，跌入永續抗爭，而無成果嘅無限輪迴。
惜今日海外各地港人抗爭，對比2019年不但未見進步，每年集會人數，愈集愈少人，仍有人肯走出嚟已經值得高興，其餘香港人，移民後將香港拋諸腦後了嗎？
#香港獨立 #香港民族 #光復香港 #香港人反抗
BY 香港民族陣線 台灣分部
Warning: Undefined variable $i in /var/www/tg-me/post.php on line 280
Share with your friend now:
tg-me.com/HKNFChannel/3134